Ford S-MAX heillar blaðamann AutoExpress

Dan Strong, blaðamaður hjá hinu sívinsæla bílaveftímariti, AutoExpress, var yfir sig hrifinn af aukabúnaði sem boðið er upp á í Ford S-Max 2,0 TDCi Títanium útgáfunni sem hann reynsluók á dögunum.

Ford S-Max er hlaðinn aukabúnaði

Strong fannst áberandi hvað aukabúnaðurinn var bæði einfaldur í notkun og aðgengilegur. Ford S-Max hefur m.a. hraðastillingu með aðlögun (e. Adaptive Cruise Control), innbyggðan radarvara og staðsetningarkerfi sem gefur góðar og skýrar leiðbeiningar. Snertiskjárinn er tímasparandi og einfaldur í notkun að mati Strong og lítið mál er að leggja S-Max þar sem hann býr yfir nákvæmum nálægðarskynjara sem hjálpa til við leggja bílnum í þröng stæði.

Ford S-Max er með gott rými og aðgengi

Mikið rými og gott aðgengi að aftari sætaröðunum heillar Strong. Að hans mati kemur S-Max sér vel fyrir barnafjölskyldur. Þannig getur fjölskyldan svifið um í fríinu áhyggjulaus með nægt rými fyrir farangur og farþega.

Nánari upplýsingar

• Sjá umfjölunn AutoExpress