Nýr og frísklegri Ford Ka

Fyrsta eintakið af nýjum Ford Ka hefur runnið út af færibandinu í bílaverksmiðju í Póllandi, 12 árum eftir að hinn upprunalegi Ka leit fyrst dagsins ljós. Ný útgáfa Ford Ka er afrakstur þróunar- og framleiðslusamkomulags milli Ford og Fiat. Þó svo að hinn nýji Ford Ka eigi nokkur grundvallaratriði sameiginleg með Fiat 500, sem er líka framleiddur í verksmiðjunni í Tychy, er hér á ferðinni bifreið sem á enga sér líka. Hinn nýji Ka skartar þeim kostum sem gerðu hinn upprunalega Ka svo vinsælan. Hentug stærð, skemmtilegir aksturseiginleikar og sérstakur persónuleiki hafa nú verið færðar í nýjan og frísklegan búning.

Vilja vera svipaðir en samt frábrugðnir

„Það eru þrjú ár síðan við sömdum um að framleiða hinn nýja Ka hér í Tychy,“ sagði Ian Slater, fulltrúi Ford, þegar fyrsta eintakið af nýjum Ford Ka var afhjúpað í Póllandi. „Eitt það mikilvægasta við þetta samstarf var að báðir aðilar óskuðu þess að framleiða bíl sem væri frábrugðin hinum, bæði hvað varðar útlit og eiginleika.“

Gríðarlega vinsæll smábíll

Frá því að Ford Ka kom fyrst á markaðinn fyrir 12 árum síðan hefur bíllinn notið gríðarlegra vinsælda á meðal kaupenda smábíla. Það sem af er hafa verið framleiddar um 1,4 milljónir eintaka af Ford Ka. Stefnt er að því að framleiða árlega um 120.000 eintök af hinum nýja Ka en bíllinn er væntanlegur á almennan bílamarkað í febrúar á næsta ári. Þess má einnig geta að síðustu Ford Ka bifreiðarnar, með eldra laginu, eru nú á sérstöku tilboði hjá Brimborg og veita söluráðgjafar Ford allar nánari upplýsingar.

Frekari upplýsingar

 

Meira um nýjan Ford Ka