Ford Fusion tvíorkubíl ekið yfir 2000 kílómetra á einum bensíntanki

Sextán hundruð kílómetrar og enn að: Ford Fusion tvíorkubíll náði takmarkinu og fór langt yfir 1600 kílómetra á einum tanki

Lið sérfræðinga ók yfir 1600 kílómetra, eða 1000 mílur, á um 48 tímum, og á minna en einum tanki af bensíni til að safna fé í sjóði samtaka sem styrkja rannsóknir á sykursýki (www.jdfr.org).

Lagt var af stað frá Virginíufylki á laugardagsmorgun. Liðið náði 1600 km (1000 mílu) markinu á mánudagsmorgun og hélt svo áfram þar sem næstum einn þriðji var eftir í tankinum á Fusion bíl þeirra, sem er óbreyttur úr almennri framleiðslu.

Hópur sérfræðinga nær frábærum árangri

Ford Fusion tvíorkubílnum, sem er sparneytnasti fólksbíllinn í millistærð sem fáanlegur er í Bandaríkjunum, var ekið af hópi sérfræðinga. Hópurinn samanstendur af verkfræðingum sem hafa sérhæft sig í tvíorkubílum, sparaksturssérfræðingi og NASCAR ökukappa. Hópnum tókst að koma eyðslunni niður fyrir 2,9 lítra á hverja hundrað kílómetra með því að beita sparakstursaðferðum.

Hópurinn náði 1600 kílómetra markinu eftir um 48 stunda akstur og var fyrirliðinn, Carl Edwards NASCAR ökuþór, undir stýri. Lagt var af stað frá Virginíufylki að morgni laugardagsins 25. apríl og kom bíllinn til Washington, DC þann, 28. apríl.
Tilgangurinn með akstrinum var að sýna fram á einbeitni Ford við að vera í hópi þeirra bestu þegar kemur að sparneytni í öllum flokkum bifreiða, og um leið að safna fé til rannsókna á sykursýki.

Liðið framkvæmdi einnig rannsóknir á leið sinni fyrir fjölmiðla og viðskiptavini í Fusion tvíorkubílnum og gaf viðtöl og sýndi hvernig einfaldar leiðir geta skipt sköpum við að auka sparneytni. Liðið hlóð einnig reglulega inn myndum og myndböndum af ferðinni á YouTube, Flickr, Facebook, Twitter og www.media.ford.com. Tengla á þessar síður má finna hér að neðan.

 

Samkvæmt nýjustu fréttum á YouTube tæmdist bíllinn af bæði bensíni og rafmagni um klukkan 10 að staðartíma þriðjudaginn, 28. apríl. Þá hafði bíllinn lagt að baki 2326 kílómetra og samanlögð eyðsla í ferðinni var tæplega 2,9 lítrar á hundraði.

 

Sparakstursaðferðir Fusion liðsins eru meðal annarra:

• Að hægja ferðina og gefa jafnt inn
• Að draga jafnt úr hraða og hemla rólega
• Að halda góðu bili á milli bíla og gera ráð fyrir utanaðkomandi aðstæðum í umferðinni
• Að láta bílinn renna í gír að rauðu ljósi og stöðvunarskyldu til að draga úr eyðslu og sliti á hemlum
• Að halda notkun á miðstöð og loftkælingu í lágmarki til að minnka álag á vélina
• Að hafa glugga lokaða á miklum hraða til að draga úr loftmótstöðu
• Að beita „gefa inn og renna“ aðferðinni á sama tíma og umferðarhraða er haldið
• Að draga úr álagi á vélina með því að nota hreyfiorku bílsins þegar farið er upp brekkur og nota skriðhraða á leið niður til að ná upp hraða
• Að forðast holur í vegi og misfellur sem geta truflað skriðhraða

Nánari upplýsingar:

• Frétt á vef Ford
• Ford 1000 mile challenge á YouTube
• Ford 1000 mile challenge á Twitter
• Ford 1000 mile challenge á Facebook
• Ford 1000 mile challenge á Flickr