Ford Transit AWD fær góðan dóm í Viðskiptablaðinu

Bílasala ársins hefur ekki verið upp á marga fiska eins við er að búast eftir efnahagshrunið. Þó er alltaf eitthvað um einstaklinga eða fyrirtæki sem þurfa að endurnýja tækjakost og þá er gjarnan leitað eftir hagkvæmasta kostinum, einhverju sem hentar íslenskum aðstæðum í víðtækum skilningi orðsins.

Ekkert til að setja út á

Viðskiptablaðið fékk slíkan bíl lánaðan frá Póstinum sem nýlega hafði keypt Ford Transit AWD með nýju aldrifskerfi frá Haldex. Bíllinn hefur almennt fengið góða dóma en var nú í fyrsta skiptið prófaður á Íslandi.

Í stuttu máli var blaðamaður Viðskiptablaðsins, Hörður Kristjánsson, afar ánægður með bílinn sem hann sagði vera í hæsta gæðaflokki og þægilegan í umgengni. Reyndar var það svo að Hörður var ófær um að „finna neitt sem ástæða þykir til að setja út á“.

Nú þegar snjóþyngsli eru orðin nokkur á Austurlandi má telja víst að starfsmenn Póstsins munu koma jólapóstinum til skila á nýja aldrifs Ford Transit bílnum – og það í fullkomnum þægindum að auki hvort sem snjóar eða ekki.

Reynsluaksturinn í Viðskiptablaðinu