Ford í Sviss er undantekningin sem sannar regluna

Ford í Sviss virðist vera undantekningin sem sannar regluna og minnir framtak Ford þar á nokkrar þekktar tilraunir Svisslendinga á árum áður sem menn eins og Peter Sauber, sem meðal annars hefur rekið Formúlu 1 lið, stóðu fyrir og Franco Sbarro sem hannaði vægast sagt óvenjulega og einstaka bíla. Þá má náttúrulega ekki gleyma Rinspeed sem annað slagið sendir frá sér ofur öfluga bíla.

En hvað hefur Ford gert? Jú, fyrirtækið hefur hannað sérútgáfu af hinum margfræga Ford Focus RS sem þó er aðeins ætluð fyrir markaðinn í Sviss. Tilefnið er 40 ára afmæli Team RS verkfræðideildar Ford.

Útlitsbreyting fyrst og fremst

Í fréttatilkynningu um bílinn kemur fram að um óbreyttan Ford Focus RS er að ræða enda ekki talin mikil þörf á að kosta miklu til þar því bíllinn er afar öflugur fyrir. Sérútgáfan er því fyrst og fremst útlitsleg hönnun sem er ætlað að höfða til þeirra sem elska rallý og vilja vera minntir á rallý á hverjum degi en einmitt til þess verður bíllinn að vera nothæfur á daglegum grunni. Það er kannski þessvegna sem engar vélfræðilegar breytingar hafa verið gerðar á bílnum.

Til að ákvarða útlit bílsins fór fram samkeppni á netinu og var útlit bílsins svo valið úr innsendum lausnum. Niðurstaðan varð hvítur bíll, sem er mjög í anda Ford, með grænum og svörtum merkingum. Punkturinn yfir i-ið eru svo 19 tommu OZ Superturismo GT álfelgur í svörtu.
Bíllinn er svo kyrflilega merktur innandyra þeim Mikko Hirvonen og Jarmo Lehtinen sem aka keppnisbíl Ford í heimsmeistarakeppninni í rallýi.

55.900 Svissneska franka kostar bíllinn og munu aðeins verða seld 50 eintök.
Deila