Ford á siglingu í Danmörku

Mars mánuður síðastliðinn var til að mynda einn söluhæsti mánuður Ford í Danmörku frá upphafi en þá jókst bílasalan, samanborið við sama mánuð árið á undan, um hvorki meira né minna en 67,8%.

Þessi vöxtur er þó ekki einsdæmi því Ford hefur um samfellt tíu mánaða skeið aukið hlutdeild sína í Evrópu. Í Danmörku er hlutdeild Ford hinsvegar um þessar mundir 10,5% sem er hæsta hlutdeild Ford í Danmörku síðastliðin 12 ár.

Ford Fiesta mest seldur í Evrópu

Bíllinn sem Danir hafa tekið af svona miklu ákafa og stendur undir stórum hluta sölunnar er hinn nýi Ford Fiesta. Ford Fiesta hefur reyndar einnig notið gríðarlegra vinsælda í Evrópu en þar hafa rúmlega 67 þúsund bílar selst. Fiesta kemur einnig sterkur inn í Bandaríkjunum þar sem bíllinn er nýr á markaði.

Ford Fiesta er því mest seldi bíllinn í Danmörku, og reyndar er Ford Fiesta líka mest seldi bíllinn í Evrópu. Ford Focus stendur sig einnig mjög vel enda hefur hann náð þriðja sæti í Danmörku yfir söluhæstu bílana það sem af er ári.

Það má ennfremur reikna með því að viðgangur Ford verði góður í Evrópu í ár því framundan eru kynningar á mörgum nýjum bílum frá Ford.