Hið þekkta bílablað Auto Express gerði nýverið úttekt á flokki minni sportbíla og valdi blaðið Focus ST sem þann besta. Blaðamenn Auto Express eru ekki einir um hrifningu sína á Ford Focus ST því bílablaða- og fréttamenn alls staðar í Evrópu hafa keppst við að ausa lofi á bílinn. Morgunblaðið segir til að mynda í sínum dómi að Ford Focus ST sé magnaðasta framlag Ford í Evrópu til alvöru sportbíla.

Í sérflokki að mati Auto Express

Auto Express tók nýjustu bílana í þessum sportbílaflokki fyrir í nóvemberhefti sínu. Þar er Ford Focus ST valinn besti bíllinn í samanburði við Golf GTi, Astra VXR og Corolla TTE. Að mati blaðamanna eru Focus ST og Golf GTi í sérflokki. Þar með hefur Focus ST nú velt Golf GTi úr sessi efsta sætisins, en Golf hefur um langt skeið verið á toppnum í þessum flokki.

Góð sæti

Í dómi sínum 11. nóvember segir Morgunblaðið meðal annars: „Ford TeamRS hefur tekið bílinn í gegn líka að innan. Hann er með einhverjum þeim mögnuðustu Recaro-sportsætum sem undirritaður hefur prófað. Þau gersamlega líma ökumanninn í sætið og eru stillanleg á átta vegu. Komnir eru álpedalar, sérhannað stýri en öll þau þægindi, sem menn eiga að venjast í „venjulegum“ C-flokks-bílum, eru líka til staðar, eins og loftkæling, hiti í sætum, rafmagn í öllum rúðum og ABS, EBS, ESP og annar öryggisbúnaður.“

Á leið í Brimborg

Brimborg reiknar með að geta boðið þennan þrælskemmtilega og spennandi sportbíl í byrjun mars á næsta ári. Ekki eru enn komnar upplýsingar um verð og búnað en þær munu þó liggja fyrir innan skamms. Fylgist því með hér á heimasíðunni.