Verðlækkun á Ford

Nýr Ford Fiesta

Hagstæð gengisþróun íslensku krónunnar gagnvart evrópumyntum sem lækkað hafa í verði gerir það að verkum að Brimborg hefur nú lækkað verð á Ford bílum um 5%. Munar verulega um þessa verðlækkun. Má nefna að vinsæll bíll eins og Ford Fiesta í Trend útfærslu, sem kostaði fyrir lækkun 1.505.000, lækkar um 75 þúsund krónur og kostar nú 1.430.000.

Veruleg verðlækkun hefur einnig orðið á Ford Mondeo, annars vegar vegna verðlækkunar hjá framleiðanda og hins vegar gengislækkunar. Ford Mondeo Ghia með kraftmikilli 2,0 lítra vél kostaði áður kr. 2.640.000 en kostar nú aðeins kr. 2.400.000.