Öryggi er aðalsmerki Focus

Öryggi er auðvitað ofarlega í huga bílkaupenda og voru sýningargestir áfjáðir í að kynna sér niðurstöður árekstrarprófana sem Euro NCAP stendur fyrir. Þar fékk Ford Focus hæstu einkunn sem nokkru sinni hefur verið gefin í þessu stærðarflokki bíla - 5 stjörnur. Mikil aðsókn var að kaffihúsinu CaféFocus sem opnað var um helgina í tilefni frumsýningarinnar. Gæddu sýningargestir sér á ilmandi kaffi og gómsætum vöfflum. Meira en 40 Focus bílar voru seldir um helgina og mun hinn nýi Focus án efa vera meðal vinsælustu bíla hér á landi á árinu eins og fyrri ár.