Ford Ranger Double Cab - Vinnuþjarkur sem elskar leik og starf

Ranger Double Cab

Double Cab 4x4

Verð frá 6.490.000 kr.
Eyðsla frá 8,3-8,6 l/100
CO₂ losun frá 216-226 g/km
Eyðsla og CO2 skv. WLTP staðli

Sterkari, kraftmeiri og betur búinn

Nýr fjórhjóladrifinn Ford Ranger, mest seldi pallbíll í Evrópu, er sérlega sterkbyggður fyrir allskonar verkefni hvort sem er í vinnu eða áhugamálin og er nú með enn meiri tækni en nokkru sinni fyrr. Nýr Ford Ranger fæst í þremur búnaðarútfærslum eða Raptor og Wildtrak með 213 hestafla sparneytinni dísilvél sem togar 500 Nm og nýrri háþróaðri 10 gíra sjálfskiptingu og XL útgáfu með 170 hestafla sparneytinni dísilvél sem togar 420 Nm og 6 gíra beinskiptingu.

Raptor

Raptor er goðsögn í pallbílaheiminum og er enginn venjulegur pallbíll. Hann er engum líkur og hannaður til að takast á við erfiðustu verkefni en um leið hlaðinn lúxusbúnaði. Hann er útbúinn sérstökum Off road pakka sem innifelur læsingu á afturdrifi og hlífar fyrir vél og eldsneytistank. Útlitið er einstakt með sérstöku Raptor grilli enda með 15 cm meiri sporvídd. Raptor útlit á stuðurum að framan og aftan, FOX Pro dempara, dráttarbeisli og XENON ljós svo fátt eitt sé nefnt. Raptor innréttingin er einstaklega glæsileg, þar má nefna sérstaklega Raptor sportsætin sem eru með leður á slitflötum og rúskinn í miðju sætanna.

Wildtrak

Wildtrak er mest selda útgáfan og er sérlega vel búinn og hentar bæði í leik og starf. Meðal búnaðar er 18 tommu styrktar álfelgur, Titanium framgrill, 8 tommu snertiskjár, SYNC 3 raddstýrt samskiptakerfi með neyðarhringingu í 112 Control, Bluetooth og USB tengi, Apple Car Play, Android Auto, Applink, bakkmyndavél, stigbretti með burstuðu stáli, þverbogarnir á toppnum eru sérhannaðir þannig að loftflæðið verði sem best og þeir auki ekki eldsneytiseyðslu að ráði og val um 7 mismunandi litalýsingar með dimmi í innra rými.  Innréttingin er sérlega glæsileg og sætin þægileg með leður á slitflötum. Wildtrak er einnig með Off road pakkanum.

XL

XL útgáfan er sérstaklega hönnuð fyrir verktaka og aðra sem vilja einfaldan en traustan pallbíl til daglegra nota í vinnu á verkstað.  Góður vinnufélagi sem gott er að umgangast og með mikla dráttargetu eða 3500kg.

Ranger lína

Öflugt fjórhjóladrif og hár frá vegi

Ford Ranger er einstaklega öflugur og öruggur á erfiðum vegum og slóðum, hár frá vegi með 23,7 cm veghæð og vaðdýptin er 80 cm. Lítið mál að skipta á milli framdrifs og fjórhjóladrifs. Þú ekur á beinum og breiðum vegum í afturdrifinu og sparar eldsneyti en skiptir á einfaldan hátt yfir í fjórahjóladrif þegar þú kemur á torfæra slóða.

Þægilegur pallbíll með mikla burðar- og dráttargetu

Ford Ranger er einstaklega duglegur með burðargetu upp á 1 tonn og dráttargetu með krók allt að 3.500 kg. Hann er sterkbyggður og í innra rými er notast við gæðaefni sem eru traust og endingargóð og þola þannig mikið álag. En hann er líka þægilegur í daglegri umgengni með geymsluhólf fyrir mat, glasa/flöskuhaldara, bakka fyrir litla hluti og pláss fyrir farsímann þinn auk þess sem það eru tvö stór geymslusvæði undir aftursætunum.  Hanskahólfið getur geymt 15” fartölvu, stutta regnhlíf og fleira. Í fyrsta skipti er Ford Ranger fáanlegur með innbyggðu FordPass Connect. Með því kerfi getur þú opnað og læst bílnum, gangsett hann og tengt WiFI hotspot sem gerir allt skemmtilegra og þægilegra. 

Ford Easy fuel tæknin tryggir að alltaf er sett rétt eldsneyti á bílinn. Þessi gagnlega tækni gerir það næstum ómögulegt að fá rangt eldsneyti í bílinn þar sem rangur eldsneytisstútur passar einfaldlega ekki í bílinn. Að auki er ekkert lok á eldsneytistanknum og þí þarft því ekki lengur að skrúfa af óhreint eldsneytislokið.

Háþróuð öryggistækni

Ford Ranger hlaut hæstu einkunn eða fimm stjörnur í EURO NCAP árekstrarprófinu og verndar þig, farþega þína og aðrar vegfarendur. Árekstrarvari sem skynjar einnig gangandi og hjólandi vegfarendur, og sjálfvirk hemlun stöðvar bílinn í neyðaraðstæðum og minnkar þannig líkur á slysi. Ford Ranger er búinn veltivarnarkerfi, loftþrýstingsnemum í dekkjum sem láta vita af loftleka, sterkri yfirbyggingu og fjölda loftpúða. Ford Ranger státar einnig af öryggiskerfi fyrir eftirvagna sem dregur sjálfkrafa úr hraða og notar hemlakerfi til að ná jafnvægi fari eitthvað úrskeiðis í akstri með eftirvagni. Ranger er einnig búinn umferðaskiltalesara sem hjálpar þér að halda löglegum hraða og veglínuskynjara sem hjálpar þér að halda bílnum á réttri akrein.

 

Raptor útfærslan er búin Easy Lift hlera. Þessi snjalla hönnun gerir hlerann léttari og gerir þér kleift að opna og loka honum auðveldlega.

 

 Aukahlutir verð

Berðu saman verð og búnað

Hér getur þú borið saman útfærslur, drif, vélar og skiptingar sem eru í boði.

Niðurstöður samanburðar birtast hér fyrir neðan.

ranger_618x348_2
Veldu drif, vél og skiptingu:
Verð
ranger_618x348_2
Veldu drif, vél og skiptingu:
Verð
ranger_618x348_2
Veldu drif, vél og skiptingu:
Verð