Ábyrgð Ford bíla

Til að viðhalda ábyrgðinni þarf að viðhalda bifreiðinni samkvæmt ferli framleiðanda eins og lýst er í eiganda og þjónustuhandbók bílsins. Mæta þarf árlega eða á 20.000 km fresti í þjónustuskoðun hvort sem á undan kemur tími eða km. Rafmagnsbílar eru hins vegar á 30.000 km fresti eða 2 ára hvort sem kemur á undan.

Kaupandi ber kostnað af reglulegu þjónustueftirliti.

Skyldur eiganda bíls. Ábyrgðin er aðeins í boði á bílum keyptum af Brimborg og er háð því að bíllinn fylgi þjónustuferli framleiðanda og Brimborgar. Með reglulegri þjónustu og viðtækri verksmiðjuábyrgð nýrra Ford bíla frá Brimborg tryggir þú þér meira öryggi, lægri rekstrarkostnað, hærra endursöluvirði og hraðari endursölu.

Til að viðhalda ábyrgðinni þarf að viðhalda bifreiðinni samkvæmt ferli framleiðanda og Brimborgar eins og lýst er í eiganda og þjónustuhandbók bílsins. Mikilvægt er að fylgja þjónustunni. Mæta þarf árlega eða á 20.000 km fresti í þjónustu- og yfirbyggingarskoðun hvort sem á undan kemur tími eða km. Kaupandi ber kostnað af reglulegu þjónustueftirliti. 

Við afhendingu nýrra bifreiðar fer söluráðgjafi yfir þjónustuyfirlit bifreiðarinnar. Til viðbótar við almenna skilmála gefur Brimborg út viðaukaábyrgð þar sem fram koma viðbótarréttindi og það sem er undanþegið viðbótarréttindum sem söluráðgjafi fer einnig yfir við afhendingu. Kaupandi ber kostnað af reglulegu þjónustueftirliti. Athygli er vakin á því að 5 ára ábyrgð Ford er skv. sérstökum skilmálum sem tóku gildi frá 15.3.2020 fyrir þann tíma var 2 ára ábyrgð eða að 100.000 km á Ford bifreiðum.

Bilun sem rekja má til breytinga á bifreiðinni, notkunar á rangri olíu, röngum vara- eða íhlutum, skorts á viðhaldi eða röngu viðhaldi telst ekki galli og fellur því ekki undir kvörtunarréttinn eða framlengda verksmiðjuábyrgð. Óbeinn kostnaður, hagnaðar- eða tekjutap hjá eiganda, flutningur, dráttur, sími, gisting, eignatjón eða glötuð verðmæti eru ekki bætt og falla ekki undir kvörtunarréttinn.

Viðbótarréttindi vegna framlengds ábyrgðartíma frá Brimborg er háð eftirfarandi, ófrávíkjanlegum, skilyrðum:

· Að mætt sé með bifreiðina í reglulega þjónustu og viðhald á þjónustuverkstæði Brimborgar eða hjá viðurkenndum þjónustuaðilum Brimborgar frá nýskráningardegi og út ábyrgðartíma skv. fyrirmælum framleiðanda sem koma fram í í þjónustuyfirliti frá framleiðanda /þjónustu- og eigandahandbók. Kostnaður vegna reglulegrar þjónustu og viðhalds er ávallt greiddur af eiganda bifreiðarinnar.

· Bilun sé ekki hægt að rekja til ytri orsaka og/eða náttúrufyrirbæra, óeðlilegrar notkunar eða misbeitingar.

· Ekki hafi átt sér stað vanræksla af ásettu ráði eða vegna vítaverðs gáleysis sem sé ástæða bilunar.

· Skráning þjónustuskoðana og viðhalds sé sannarlega skráð í upplýsingakerfi Brimborgar, þjónustubók bílsins eða gagnagrunn framleiðanda eftir því sem við á eða lögmætum reikning viðurkennds þjónustuverkstæðis framvísað.

· Þessi viðbótarréttur gildir eingöngu á Íslandi og gildir eingöngu um bíla sem fluttir eru inn af Brimborg ehf.

· Viðbótarréttur fellur niður ef ekki er mætt á réttum tíma í þjónustuskoðun sem gildir bæði um akstur og tíma. Það er alfarið á ábyrgð eiganda ökutækis að mæta á réttum tíma.

Eftirtalið er undanþegið viðbótarréttindum:

Viðhaldshlutir sem ætlað er að skipta um eða fylla á reglulega á líftíma bíls, stillingar, upplitun, sprungur eða aflögun vegna eðlilegrar notkunar og aldurs. Rafgeymar, fjarstýringar, þurrkublöð, ljósabúnaður, hljómflutningstæki, skjáir, lakk, rúður, rakaskemmdir vegna vatnsleka, afgas- og pústkerfi þar með talið sótagnasíur, nemar og hvarfakútur, jafnvægisstangir og tengi, stýrisendar, hlífðarhosur, demparar, kúplingsdiskur, kúplingspressa og lega, hleðslukaplar og aukahlutir settir í hérlendis og eiga ekki uppruna sinn hjá framleiðanda bifreiðarinnar.

Mikilvæg ábending frá Brimborg

Brimborg vill benda á mikilvægi þess að eigandi fylgist reglulega með eftirfarandi atriðum á milli þjónustuskoðana þ.e. vélarolíu, kælivökva, hemlavökva, loftþrýstingi í dekkjum og ljósabúnaði.

 

HVERT SNÝ ÉG MÉR VARÐANDI ÁBYRGÐAVIÐGERÐIR?

Þú ferð með Ford bílinn þinn ásamt eiganda- og þjónustuhandbók á Ford verkstæði Brimborgar eða til viðurkennds þjónustuaðila Ford utan Reykjavíkur. Allir viðurkenndir þjónustuaðilar Ford geta annast viðgerðir sem falla undir ábyrgð.

Ef upp kemur bilun sem eigandi bíls telur að sé vegna galla og falli því undir ábyrgð er mikilvægt að eigandi komi með bílinn án tafar á viðeigandi verkstæði svo hægt sé að ganga úr skugga um hvort um galla sé að ræða, hvort bilun falli undir ábyrgð og hvort ábyrgð sé enn í gildi. Dráttur á að hafa samband og koma með bíl í skoðun vegna bilunar getur haft áhrif á réttindi þín til að fá galla bættan án kostnaðar.

VIÐ ERUM Á ÞREMUR STÖÐUM Á HÖFUÐBORGARSVÆÐINU

Við erum á þremur stöðum á höfuðborgarsvæðinu, auk þess sem við erum með þjónustuðila víðsvegar um landið. Við tökum við bókunum í þjónustuskoðanir og viðgerðir á vefnum.

• Bíldshöfði 6, Reykjavík
• Jafnasel 6, Reykjavík
• Dalshraun 5, Hafnarfirði
• Þjónustuaðilar Ford um land allt

 

Pantaðu tíma í ábyrgðarviðgerð á verkstæði Ford

Þú getur pantað tíma á verkstæði Ford hér á vefnum. Þegar þú hefur bókað tíma þá færð þú mjög fljótlega staðfestingu í sms með nánari leiðbeiningum. Síðan munum við minna þig á tímann fjórum dögum áður en þú átt að mæta og aftur minnum við á daginn áður. Þú finnur lausan tíma, bókar tíma eða afbókar hjá verkstæði Ford hér: