Ford Bronco
- Goðsögnin snýr aftur -

Bronco

Verð frá 21.360.000 kr.
Eyðsla frá 13.9 l/100
CO₂ losun frá n/a g/km

Ford Bronco er Íslendingum mjög vel kunnugur enda var hann óhemjuvinsæll fyrir nokkrum áratugum og hans helstu aðdáendur hafa engu gleymt. Hönnuðir nýja Ford Bronco sóttu innblástur í gamla útlitið frá árinu 1966 og héldu í hrátt yfirbragð og ævintýraandann sem vissulega liggur yfir jeppanum.

Allt frá árinu 1966 þegar Ford Bronco kom fyrst fram á sjónarviðið hefur jeppinn verið táknmynd frelsis og ævintýra. Líkt og forðum daga er auðvelt fyrir notendur að breyta jeppanum eftir aðstæðum hverju sinni. Til dæmis er hægt að fjarlægja hurðir og þak af bílnum.

ATH: Brimborg náði einstökum samningum við Ford í Bandaríkjunum og því koma 30 eintök af Ford Bronco til landsins í nóvember næstkomandi, langt á undan öðrum mörkuðum í Evrópu, og það gæti verið talsvert langt í næstu sendingu eða u.þ.b eftir mitt ár 2023.

Skoðaðu alla Ford Bronco í Vefsýningarsalnum

Sex til sjö G.O.A.T akstursstillingar

Þessi skemmtilega skammstöfun, G.O.A.T, stendur á ensku fyrir "Goes Over All Terrain", sem þýða mætti á íslensku sem "Kemst yfir hvers kyns torfærur". Ford Bronco bílarnir eru almennt búnir mörgum mismunandi G.O.A.T akstursstillingum og útfærslurnar sem eru í boði núna, Wildtrak og Raptor, eru með sex til sjö stillingar sem nánar er fjallað um neðar á síðunni. Sem dæmi má nefna "Rock climb" grjótklifursstillingu, sandstillingu og "Slippery" hálkustillingu. 

Öflugt H.O.S.S. fjöðrunarkerfi

H.O.S.S skammtstöfunin stendur á ensku fyrir "High-speed Off-road Suspension System", sem þýða mætti á íslensku sem "Fjöðrunarkerfi fyrir hraðakstur í erfiðum aðstæðum". Líkt og með G.O.A.T akstursstillingarnar er mismunandi útgáfa af fjöðrunarkerfinu í hverri útfærslu af bílnum og lesa má nánar um fjöðrunina í Ford Bronco Wildtrak og Ford Bronco Raptor neðar á síðunni. H.O.S.S fjöðrunarkerfið er framleitt í fjórum útgáfum, 1.0 - 4.0, og er misöflugt, enda eru búnaðarútfærslurnar í Ford Bronco ætlaðar til mismunandi nota. 

Rafdrifnar læsingar á fram- og afturdrifi

Það skiptir auðvitað miklu máli að hafa sem besta stjórn á bílnum í torfærum og erfiðum aðstæðum og þar koma rafdrifnar læsingar á fram- og afturdrifi í Ford Bronco sterkar inn. Þær gera það að verkum að bæði hjólin á sama öxli snúast á sama hraða og dreifa aflinu jafnt til að gera aksturinn auðveldari. Í Ford Bronco Raptor útfærslunni er aukalega hægt að aftengja jafnvægisstöngina og það hjálpar gríðarlega þegar farið er yfir torfærur að geta látið framdekkin hreyfast sjálfstætt upp og niður.  

330-418 hestöfl, 10 gíra sjálfskipting

Það vantar auðvitað ekki afl í Ford Bronco! Ford Bronco Wildtrak er 330 hestöfl og Ford Bronco Raptor er 418 hestöfl enda bílarnir færir í flestan sjó með tog upp á 557-597 Nm. Hér er svo algjörlega vert að nefna eiginleika eins og sérstaka beygjuaðstoð og hraðastilli fyrir krefjandi akstur (Trail Turn Assist og Trail Control) Beygjuaðstoðin minnkar beygjuradíusinn í hægakstri og auðveldar þannig aksturinn. Trail Control hraðastillirinn er sérstaklega ætlaður til að auka þægindi í hægakstri í erfiðum aðstæðum. En rúsínan í pylsuendanum er án efa svokallaður eins fetils akstur (1 Pedal Drive) sem gerir ökumanni kleift að keyra auðveldlega löturhægt og stöðva bílinn án þess að stíga á bremsuna, en það hjálpar aldeilis mikið til þegar reynir á bíl og ökumann í krefjandi aðstæðum. 

Hægt er að velja á milli tveggja útfærslna af Ford Bronco

Ford Bronco Wildtrak   Ford Bronco Raptor

Ford Bronco Wildtrak

Ford Bronco Wildtrak er stórkostlegur bíll bæði innan- og utanbæjar. Hann er auðvitað hannaður til að standa sig sem allra best á ójöfnum og krefjandi fjallavegum eða við misgóð akstursskilyrði en það kemur á óvart hversu þægilegur hann er einnig innanbæjar. 

Ford Bronco Wildtrak er hlaðinn framúrskarandi búnaði. Hann er 330 hestöfl, með 2.7L EcoBoost vél og tíu gíra sjálfskiptingu. Hann er með diskabremsur á öllum hjólum með ABS og skriðvörn, auk H.O.S.S. 2.0 fjöðrunar með Bilstein dempurum. Rafdrifin læsing er á fram- og afturdrifi og bíllinn er á 17" álfelgum með 35" Mud-Terrain dekkjum.

Ford Bronco er að sjálfsögðu einstakur þegar kemur að akstri í erfiðum aðstæðum. Hann er búinn bæði sérstakri beygjuaðstoð og hraðastilli fyrir krefjandi akstur (Trail control / Trail assist) og er með möguleikanum á eins fetils akstri (Trail 1-Pedal Drive), fólki til ómældra þæginda.  

Það sem er óneitanlega spennandi við Ford Bronco eru stillanlegir akstursmátar og fjöðrun (Terrain Managemant System), svokallaðar G.O.A.T (Goes Over All Terrain) stillingar. Í Wildtrak útgáfunni eru: Normal, Sport, Eco, Slippery, Sand, Mud/Ruts og Baja stillingar til að leika sér með.   

Innréttingin er með hágæða Wildtrak leðuráklæði, upphitanlegum framsætum og rafdrifnu ökumannssæti sem er stillanlegt á tíu vegu. Einnig fer vel um fólk í farþegasætinu því það er einnig rafdrifið og stillanlegt á átta vegu. Ökumaður og farþegar njóta svo Bang&Olufsen hljóðkerfis sem er með tíu hátalara og bassakeilu.

Að utan er Ford Bronco Wildtrak með ýmis skemmtileg útfærsluatriði, til dæmis er hægt að fjarlægja hurðir og toppinn af bílnum. Afturhlerinn opnast til hliðar í allt að 150° sveiflu, það eru dráttaraugu í fram- og afturstuðara, útihitamælir, upphitaðir speglar og WildTrak-grafík á húddinu, svo eitthvað sé nefnt.

Hér er alls ekki allt upptalið sem finna má í Ford Bronco Wildtrak og við bendum fólki á að skoða búnaðinn sem er upptalinn í verðlistanum fyrir bílinn.

Sendu fyrirspurn um Ford Bronco

Ford Bronco Raptor

Það má eiginlega fullyrða að Ford Bronco Raptor muni vekja töluverðan áhuga og aðdáun á götum landsins, því hönnun bílsins er alveg einstök og útlitið bæði kröftugt og glæsilegt. Ford Bronco Raptor er hálfgerður stóri bróðir Wildtrak því hann er stærri og breiðari, og með sérstakar aksturstillingar eins og rock crawl, Tow-Haul og Off-Road mode umfram Wildtrak. 

Vélin er einnig stærri: Twin Turbo 3.0L EcoBoost V6, sem skilar ökumanni yfir 400 hestöflum . Ford Bronco Raptor er með H.O.S.S. 4.0 fjöðrun með FOX dempurum, tíu gíra sjálfskiptingu, kemur á 17" álfelgum og 37" All-Terrain dekkjum. Jeppinn er með Heavy-Duty stálhlíf fyrir undirvagninn og styrkta sílsa með fjarlægjanlegum stigbrettum. 

Innréttingin er með sérstöku Raptor-sætisáklæði og leðrað Raptor-sportstýri með flipaskiptingu. Jeppinn er búinn 360° myndavél, BLIS myndavél á hliðarumferð og sjálfvirkum háuljósum, auk þess að vera með LED-aðalljós með lýsingu sem er einkennandi fyrir Bronco. 

Þetta er einungis brot af því besta en nánari búnaðarlýsingu má finna í verðlistanum fyrir bílinn.

Skoðaðu alla Ford Bronco í Vefsýningarsalnum

Sendu fyrirspurn um Ford Bronco

Ford gæði frá Brimborg

Það er 5 ára verksmiðjuábyrgð á bílum sem keyptir eru hjá Ford á Íslandi | Brimborg skv. skilmálum fyrir lengri verksmiðjuábyrgð Brimborgar.

Myndbönd