Nú eru allir Ford bílar með 5 ára ábyrgð

Ford með 5 ára ábyrgð.
Lægri rekstrarkostnaður, meira öryggi, hærra endursöluverð og hraðari endursala.

Brimborg býður nú alla nýja Ford bíla með 5 ára ábyrgð.  Ábyrgðin er víðtæk verksmiðjuábyrgð sem gildir fyrir bæði fólksbíla og atvinnubíla Ford.

Með reglulegri þjónustu og 5 ára ábyrgð nýrra Ford bíla tryggir þú þér meira öryggi, lægri rekstrarkostnað, hærra endursöluvirði og hraðari endursölu. Til að viðhalda ábyrgðinni þarf að viðhalda bifreiðinni samkvæmt ferli framleiðanda eins og lýst er í eiganda og þjónustuhandbók bílsins, þú þarf að mæta árlega eða á 20.000 km fresti í þjónustuskoðun hvort sem á undan kemur tími eða km.

Viðurkenndir þjónustuaðilar Ford annast bæði almenna þjónustu og viðgerðir sem falla undir ábyrgð. Kaupandi ber kostnað af reglulegu þjónustueftirliti. 

Þjónustuskoðanir Ford eru á hagstæðu verði og við gerum þjónustuheimsóknina eins einfalda og kostur er. Við minnum þig á þegar nær dregur og þú velur tíma og bókar á netinu eins og þér hentar.

Almennt hefur kaupandi rétt samkvæmt íslenskum lögum til að bera fram kvörtun um galla í allt að tvö ár frá afhendingu nýju bifreiðarinnar en með réttu þjónustueftirliti samkvæmt skilmálum framlengist verksmiðjuábyrgðin í allt að 5 ár eða að 100.000 km.

Ábyrgðarskilmála má finna í eiganda- og þjónustuhandbók bílsins ásamt viðaukaskilmálum sem farið er vel yfir við afhendingu á nýja Ford bílnum.

5 ára Ford ábyrgð tók gildi 15.3.2020 en fyrir þann tíma var ábyrgð Ford bifreiða 2 ár skv. skilmálum.

Viðgerðir sem falla undir ábyrgð

Þú ferð með Ford bílinn þinn ásamt eiganda- og þjónustuhandbók til viðurkennds þjónustuaðila Ford. Allir viðurkenndir þjónustuaðilar Ford geta annast viðgerðir sem falla undir ábyrgð.

Panta tíma í ábyrgðarviðgerð

Þú getur pantað tíma í ábyrgðarviðgerð á verkstæði Ford hér á vefnum. Þú færð svar um hæl og síðan minnum við þig á tímann fjórum dögum áður en þú átt að mæta og aftur minnum við á daginn áður. Þú finnur lausan tíma, bókar tíma, afbókar eða bókar fyrirspurn fyrir verkstæði Ford.