Mustang Mach-E
- Forsalan er hafin! -

Mustang Mach-E

5 dyra AWD eða RWD

Verð frá 6.990.000 kr.
Eyðsla frá 16,5 kWh l/100

Fyrstu bílarnir eru væntanlegir.  Takmarkað magn í boði! 

Smelltu, veldu og tryggðu þér Mustang Mach-E í forsölu.  


Ford Mustang Mach-E - rafmögnuð goðsögn

Ford Mustang Mach-E er glænýr, 100% rafmagnaður, frábær ferða- og fjölskyldubíll frá Ford með magnaða aksturseiginleika. Mustang er sannkölluð goðsögn í bílaheiminum og nú er hann rafmagnaður. Hann er einstaklega vel hannaður fyrir íslenskar aðstæður með mjög mikla drægni á rafmagni, öfluga heima- eða hraðhleðslu, stórt fimm manna farþegarými og farangursrými og fáanlegur með fjórhjóladrifi.

Mustang Mach-E með Evrópubúnaði og lengri verksmiðjuábyrgð

Ford Mustang Mach-E bílar sem keyptir eru hjá Brimborg eru sérhannaðir fyrir Evrópu með búnaði og gerðaviðurkenningu fyrir Evrópu og uppfylla þannig allar kröfur þar. Fjöðrun, stýri og driflína eru aðlöguð að evrópskum aðstæðum. Búnaður er m.a. miðaður við kalt loftslag og drægni miðast við evrópskar WLTP reglur. Leiðsögukerfi með Íslandskorti fylgir Evrópubílum ásamt hleðslukapli með TYPE2 tengi fyrir evrópskar aðstæður.

5 ára verksmiðjuábyrgð er á Ford Mustang Mach-E bílum og 8 ára ábyrgð á drifrafhlöðu sem keyptir eru hjá Ford á Íslandi | Brimborg skv. skilmálum fyrir lengri verksmiðjuábyrgð Brimborgar.

Fimm útfærslur í boði með mikla drægni

Ford Mustang Mach-E verður í boði í fimm, vel búnum útfærslum sem eru kraftmiklar með mikla drægni og á frábæru verði.

  • Mustang Mach-E RWD, 269 hö, 430 Nm, afturdrif, 440 km drægni, 75 kWh drifrafhlaða
  • Mustang Mach-E RWD, 294 hö, 430 Nm, afturdrif, 610 km drægni, 98 kWh drifrafhlaða
  • Mustang Mach-E AWD, 269 hö, 580 Nm, fjórhjóladrif, 400 km drægni, 75 kWh drifrafhlaða
  • Mustang Mach-E AWD, 351 hö, 580 Nm, fjórhjóladrif, 540 km drægni, 98 kWh drifrafhlaða

Væntanlegur: Mustang Mach-E GT AWD er 487 hestöfl, togar 860 Nm og með fjórhjóladrifi. Aðeins 3,7 sekúndur í 100 km/klst. Væntanlegur síðla árs 2021. 

Smelltu á hnappinn til að skoða ítarlegan verð- og búnaðarlista og smelltu á hnappinn fyrir Vefsýningarsal til að skoða alla Mustang Mach-E bíla í pöntun. Veldu þinn draumabíl, sendu fyrirspurn og sölumaður svarar um hæl.

Sex litir í boði: Absolute Black, Iconic Silver, Space White, Infinity Blue, Star White, Rapid Red

Glæsileg, sportleg hönnun og leðurklædd innrétting

Ford Mustang Mach-E er einstaklega glæsilega hannaður, sportlegur í Mustang anda þar sem LED ljós að framan og aftan gefa honum einstakt útlit ásamt dökkum rúðum og álfelgum, vindskeið að aftan og Mustang merkinu á hliðarspeglum. Innréttingin er lofsömuð þar sem einstakt handbragð sést vel á glæsilegum, leðurklæddum sætum sem eru fjölstillanleg og upphitanleg. Þægindin eru í fyrirrúmi með hljómtækjum með 6 hátölurum, tvískipta loftkælingu í tölvustýrðri miðstöð, lyklalausri ræsingu, þráðlausri hleðslu fyrir farsíma auk rafdrifinna rúða að framan og aftan, rafstýrðri handbremsu og tvískiptum (60/40) aftursætum.

Mustang Mach-E er stór og stæðilegur bíll sem rúmar auðveldlega 5 manns í sæti enda heildarlengd 4,713 m og breiddin er 1,881 m. Farangursrýmið að aftan er 402 lítrar upp að toppi baksæta og að auki er 100 lítrar farangursrými að framan. Heildarfarangursrýmið að aftan með baksætin niðri er 1420 lítrar.

Þægilega heitt, upphitað farþegarými

Kaldir vetrarmorgnar verða leikur einn enda er upphitanlegt stýri, upphitanleg framsæti, upphitanleg framrúða og hliðarspeglar og hitari með tímastilli staðalbúnaður. Hægt er að opna bílinn með símanum eða með aðgangsstýringu við bílstjórahurð auk þess sem hann er búinn E-Latch læsingum. Það eru engin handföng til að opna Mustang Mach-E. Í staðinn þekkir bíllinn símann eða lykilinn þinn þegar þú nálgast bílinn og hnappurinn lýsist upp á dyrastólpanum. Þú einfaldlega snertir hnappinn til að opna bílinn og hurðin opnast sjálfkrafa og bíllinn læsist svo sjálfkrafa á ný þegar þú gengur í burtu frá honum.

Endalaus öryggisbúnaður

Öryggið er alltaf sett á oddinn hjá Ford og þar er Ford Mustang Mach-E enginn undantekning. Hann er búinn árekstrarvara sem er bæði myndavél og radar og nemur bíla, gangandi- og hjólandi vegfarendur. Hraðastillirinn er fjarlægðarstillanlegur með Stop&Go auk þess sem veglínuskynjari, akreinamiðjun og umferðaskiltalesari eru staðalbúnaður og gera allan akstur einfaldari og öruggari. Einnig er BLIS aðvörunarkerfi fyrir hliðarumferð og Cross Traffic Alert kerfi fyrir umferð sem þverar akstursleið. Til aukinna þæginda eru síðan nálægðarskynjarar að framan og aftan auk bakkmyndavélar. Með snjallri virkni Stop & Go geturðu sjálfkrafa haldið æskilegri fjarlægð frá næsta bíl. Það getur jafnvel orðið til þess að bíllinn stoppi alveg ef það er mikil umferð og fer sjálfkrafa á fyrirframvalinn hraða aftur.

Ford Mustang Mach-E getur sjálfur lagt í stæði. Intelligent Active Park Assist greinir viðeigandi hornrétt eða samsíða bílastæði og stýrir síðan bílnum þar inn, eina sem þú þarft að gera er að stjórna hraðanum og bremsa. Er í boði sem hluti aukahlutapakka.

360 gráðu myndavél er í boði sem hluti aukapakka.

Leiðandi stafræn tækni í mælaborði

Ford Mustang Mach-E er búinn nýjustu stafrænni tækni og er meðal annars með stóran, 15,5" snertiskjá í miðju mælaborðs og annan minni 10,2" skjá fyrir aftan stýri. Hann er búinn SYNC4 samskiptakerfi Ford með raddstýringu, leiðsögukerfi, Android Auto, Apple Car Play, App link, FordPass appinu og Power Trip leiðarvali. Hann er að auki búinn nýjustu tækni til uppfærslu yfir netið (OTA) sem gerir það að verkum að öll nýjasta tækni verður alltaf til reiðu á líftíma bílsins. Samskipti við SYNC 4 kerfið geta farið fram með einföldum raddskipunum eða með 15,5 ”snertiskjá. 

FordPass Connect verður enn öflugra þegar bíllinn er paraður við snjallsímann þinn í gegnum FordPass app. Það er stútfullt af nýjum eiginleikum. Þú getur til dæmis notað símann til að finna bílinn og fjarstýrt læsingu og opnun. Það er einnig hægt að sjá stöðuna á rafhlöðunni og fundið næstu hleðslustöð. FordPass sýnir líka akstur í kílómetrum, dekkjaþrýsting og birtir viðvaranir um ástand bílsins í símanum þinn. Svo er hægt að skipuleggja ferðina fyrirfram og senda hana í bílinn áður en lagt er af stað.

Margar akstursstillingar og mikil hröðun auka skemmtunina

Ford Mustang Mach-E býður upp á þrjár akstursstillingar, Active, Whisper og Untamed auk þess sem hann býður upp á "One Pedal Drive". Hröðun er frá 5,1 sekúndu í 100 km. hraða og í GT útfærslunni sem kemur síðla árs 2021 er hröðun 3,7 sekúndur í 100 km. hraða. Þú situr hátt með gott útsýni og sætin halda vel um þig þegar þú gefur Mustangnum inn.

Einstaklega kraftmikill með fjórhjóladrifi eða afturdrifi

Þú finnur um leið þegar þú sest undir stýri að þetta er Mustang. Aksturseiginleikarnir eru einstakir og sérstaklega hannaðir fyrir evrópskar aðstæður þar sem stýri og fjöðrun hafa verið löguð að aðstæðum. Þú getur valið um fjórhjóladrif eða afturdrif. Fjórhjóladrifið er rafknúið með tveimur mótorum (Dual Motor AWD) þar sem rafmótor er þá bæði á framöxli og afturöxli. Veghæðin er 14,7 sm. og dráttargeta er 750 kg.

Hleðsla heima eða með hraðhleðslu

Bíllinn er með innbyggða 11 kW hleðslustýringu og er hægt að hlaða með AC hleðslu (venjulegri hleðslu heima, í vinnu eða annarsstaðar) eða með DC hleðslu (Hraðhleðslu) t.d. í langkeyrslu út á landi.

Ford Mustang kemur með vali um tvær stærðir drifrafhlöðu. Annars vegar 75 kWh (Standard Range) og hins vegar 98 kWh. (Long Range). Þú þart ekki að hafa neinar áhyggjur af því að hlaða í 100% í hvert sinn sem þú hleður í AC hleðslu því Ford lætur stjórnkerfi drifrafhlöðunnar stýra hámarkshleðslu. Vegna þessa er nýtanleg nettóstærð Standard Range rafhlöðunnar 68 kWh og nettó stærð Long Range rafhlöðunnar er 88 kWh en uppgefin drægni er ávallt miðuð við nettóstærð drifrafhlöðunnar. Það gerir það að verkum að raundrægni er mjög nálægt uppgefinni drægni þó vert sé að nefna að aðstæður hafa alltaf áhrif á drægnina.

Í venjulegri AC hleðslu hleður þú Standard Range rafhlöðuna á 5,7 klukkustundum frá 10% í 80% og Long Range rafhlöðuna hleður þú á 7,2 klukkustundum frá 10% í 80%.

Standard Range drifrafhlaðan tekur við allt að 115 kW hraðhleðslu og tekur um 38 mínútur að hlaða úr 10% hleðslu í 80%. Long Range drifrafhlaðan tekur við allt að 150 kW hraðhleðslu og tekur um 45 mínútur að hlaða úr 10% í 80%. Stýrikerfi rafhlöðunnar stoppar hraðhleðslu við 80% til að tryggja langan líftíma hennar. Með hraðhleðslunni getur þú líka skotið inn á drifrafhlöðuna 70-90 km viðbótardrægni á aðeins um 10 mínútum eftir stærð rafhlöðu og aðstæðum.

Drægni og áhrifaþættir

Við akstur nýtir bíllinn stöðuorku til að hlaða inn á drifrafhlöðuna m.a. þegar dregið er úr hraða eða þegar ekið er niður brekku og eykur það drægni bílsins. Það eru ýmsir þættir sem hafa áhrif á drægni rafbíla og marga þeirra getur þú sem ökumaður haft áhrif á til bætingar.

  • Aksturshraði: Hann hefur áhrif á drægni. Orkunotkun er minni á lægri hraða
  • Aksturslag og akstursskilyrði: Þeir þættir hafa áhrif á drægni. Mjúk hröðun og rétt notkun hemla eða rafbremsu sparar orku og eykur drægni
  • Veður: Útihitastig, vindur og notkun á miðstöð vegna þessa hefur áhrif á drægni. Að forhita bílinn áður en lagt er af stað hjálpar við að spara orku og auka drægni því þá þarf ekki að nota raforku rafhlöðunnar til að hita upp bílinn

Ítarupplýsingar um hleðslu rafbíla og ívilnanir við kaup

Brimborg hefur tekið saman ítarlegt efni um hleðslustöðar og hleðsluhraða rafbíla sem og ívilnanir stjórnvalda við kaup á rafbílum.  Smelltu á hnappana hér fyrir neðan og kynntu þér málið.

Söluráðgjafar Ford veita alla ráðgjöf um hleðslu og uppsetningu hleðslustöðva. Hleðslutími getur verið breytilegur af margvíslegum ástæðum t.d. eftir því hvernig tengillinn er, eftir því hversu öflug hleðslustöð er notuð og hversu öflug innbyggða hleðslustýring bílsins er. Einnig hefur hitastig rafhlöðu og útihitastig ásamt álagi hleðslustöðvarinnar sjálfrar áhrif. Sérfræðingar mæla með hleðslu raf- og tengiltvinnbíla með heimahleðslustöðvum og helst ekki nota venjulega heimilistengla enda eru þeir ekki ætlaðir til langtímahleðslu.

Smelltu á hnappana fyrir ítarupplýsingar.

Hagnýtar upplýsingar um hleðslu og hleðsluhraða

Hagnýtar upplýsingar um verð og ívilnanir

Hvað kostar að setja upp hleðslustöð

Hvað kostar að hlaða rafbíl

 

 

 

 

Kynntu þér Ford Mustang Mach-E betur

Skoðaðu hann betur að innan og utan.

Mustang Mach-E hönnun og tækni